Politika e Privatësisë

Kjo politikë shpjegon cilat të dhëna personale mblidhen kur përdorni këtë faqe, pse mblidhen dhe cilat janë të drejtat tuaja. Ajo zbatohet në përputhje me ligjin nr. 124/2024 “Për mbrojtjen e të dhënave personale”.

Kontrolluesi i të dhënave

Kontrollues është Av. Bahri Hajdari, Shkodër, Shqipëri. Për çdo pyetje rreth të dhënave tuaja shkruani në [email protected].

Të dhënat që mbledhim

• Formulari i kontaktit: emri dhe mbiemri, adresa email, numri i telefonit (nëse e jepni), fusha e zgjedhur dhe përshkrimi i çështjes.
• Të dhëna teknike: adresa IP dhe të dhëna bazë të shfletuesit, që regjistrohen nga serveri për sigurinë dhe mbrojtjen nga abuzimi.
• Zgjedhja juaj për cookies: ruhet vetëm në pajisjen tuaj.

Nuk kërkojmë më shumë të dhëna nga sa nevojiten për t’ju përgjigjur. Ju lutemi të mos dërgoni përmes formularit dokumente ose të dhëna të ndjeshme (shëndetësore, penale etj.).

Pse i përdorim dhe mbi çfarë baze

• Për t’iu përgjigjur kërkesës suaj dhe për të caktuar një takim, mbi bazën e pëlqimit tuaj dhe të hapave që ndërmerren me kërkesën tuaj para lidhjes së një kontrate.
• Për sigurinë e faqes dhe parandalimin e mesazheve të padëshiruara, mbi bazën e interesit tonë të ligjshëm.

Të dhënat nuk përdoren për marketing dhe nuk shiten.

Kujt i jepen

Të dhënat i sheh vetëm avokati. Ato përpunohen teknikisht nga ofruesit e strehimit të faqes dhe të shërbimit të emailit, të cilët veprojnë sipas udhëzimeve tona dhe vetëm për këtë qëllim. Të dhënat u jepen autoriteteve vetëm kur ligji e kërkon.

Sa kohë ruhen

Kërkesat që nuk pasohen nga një marrëdhënie avokat-klient fshihen sapo të mos nevojiten më për t’ju përgjigjur. Kur lidhet një kontratë shërbimi, të dhënat ruhen për aq kohë sa parashikon legjislacioni për profesionin e avokatit dhe ai fiskal.

Të drejtat tuaja

• të kërkoni akses në të dhënat tuaja dhe një kopje të tyre;
• të kërkoni korrigjimin e të dhënave të pasakta;
• të kërkoni fshirjen e të dhënave;
• të kërkoni kufizimin e përpunimit ose ta kundërshtoni atë;
• të tërhiqni pëlqimin në çdo kohë;
• të kërkoni bartjen e të dhënave.

Për të ushtruar një të drejtë, ose për të kërkuar fshirjen e të dhënave, shkruani në [email protected]. Keni gjithashtu të drejtë të ankoheni te Komisioneri për të Drejtën e Informimit dhe Mbrojtjen e të Dhënave Personale (idp.al).

Cookies

Hollësitë gjenden te faqja për cookies.

Ndryshime

Kjo politikë mund të përditësohet. Data e përditësimit të fundit shfaqet në krye të faqes.